ఓపెన్ స్కూల్‌లో పదో తరగతి, ఇంటర్మీడియట్ అడ్మిషన్లకు దరఖాస్తులు

ఉమ్మడి జిల్లా: ఓపెన్ స్కూల్ విధానంలో పదో తరగతి, ఇంటర్మీడియట్ కోర్సుల్లో ప్రవేశాల కోసం ఈ నెల 30వ తేదీ వరకు దరఖాస్తు చేసుకోవచ్చని ఉమ్మడి జిల్లా సమన్వయకర్త వెంకటస్వామి తెలిపారు.

చదువును మధ్యలో నిలిపివేసిన వారు ఈ అవకాశాన్ని వినియోగించుకోవాలని ఆయన సూచించారు. ఆసక్తి ఉన్న అభ్యర్థులు తమకు సమీపంలోని ఓపెన్ స్కూల్ అధ్యయన కేంద్రాన్ని సంప్రదించి అడ్మిషన్ ప్రక్రియకు సంబంధించిన వివరాలు తెలుసుకోవాలని తెలిపారు.

అడ్మిషన్ ఫీజును కేవలం మీసేవ కేంద్రాల ద్వారా మాత్రమే చెల్లించాలని స్పష్టం చేశారు. అర్హత ఉన్న అభ్యర్థులు గడువు తేదీలోపు దరఖాస్తు చేసుకుని ఓపెన్ స్కూల్ విద్యా అవకాశాన్ని సద్వినియోగం చేసుకోవాలని కోరారు.