గణేష్ నిమజ్జన కేంద్రాల్లో ఏర్పాట్లు ముందుగానే పూర్తి చేయాలి

హన్మకొండ: గ్రేటర్ వరంగల్ మునిసిపల్ ప్రత్యేక అధికారి, జిల్లా కలెక్టర్‌తో కలిసి హన్మకొండ పరిధిలోని సిద్దేశ్వరగుండం, బంధం చెరువు నిమజ్జన కేంద్రాలను పరిశీలించారు. గణేష్ నిమజ్జన కార్యక్రమానికి వచ్చే భక్తులు, గణేష్ ఉత్సవ కమిటీలకు ఎలాంటి అసౌకర్యం కలగకుండా అవసరమైన ఏర్పాట్లను ముందుగానే పూర్తి చేయాలని అధికారులను ఆదేశించారు.

నిమజ్జన కేంద్రాల్లో పారిశుద్ధ్య నిర్వహణ, తాగునీటి సౌకర్యం, విద్యుత్, లైటింగ్, బారికేడింగ్, రాకపోకల నియంత్రణ, క్రేన్ల ఏర్పాటు తదితర అంశాలను సంబంధిత శాఖల అధికారులు సమన్వయంతో నిర్వహించాలని సూచించారు.

నిమజ్జన కార్యక్రమం పూర్తయ్యే వరకు అధికారులు, సిబ్బంది అందుబాటులో ఉండాలని, కేంద్రాల్లో పరిస్థితులను నిరంతరం పర్యవేక్షిస్తూ అవసరమైన చర్యలు చేపట్టాలని ఆదేశించారు.

గణేష్ ఉత్సవ కమిటీలు, భక్తులు అధికారులకు సహకరించి నిమజ్జన కార్యక్రమాన్ని ప్రశాంత వాతావరణంలో నిర్వహించేందుకు సహకరించాలని కోరారు.