అస్సాం వరద బాధితులకు సల్మాన్ ఖాన్ అండ

అస్సాం వరద బాధితులకు సల్మాన్ ఖాన్ అండ

అస్సాంలో ఇటీవల సంభవించిన వరదలతో నిరాశ్రయులైన కుటుంబాలకు బాలీవుడ్ నటుడు సల్మాన్ ఖాన్ చేయూతనందిస్తున్నట్లు సమాచారం.

వరద బాధితుల కోసం 500 తాత్కాలిక ఇళ్ల నిర్మాణానికి ఒక స్వచ్ఛంద సంస్థతో కలిసి ముందుకొచ్చినట్లు నివేదికలు పేర్కొంటున్నాయి. వరదలను తట్టుకునేలా వెదురు, రేకుల షెడ్లతో ఈ ఇళ్లను నిర్మించనుండగా, ఒక్కో ఇంటి నిర్మాణానికి సుమారు రూ.35 వేల నుంచి రూ.40 వేల వరకు ఖర్చు కానుంది.

అలాగే సల్మాన్ ఖాన్ స్థాపించిన 'బీయింగ్ హ్యూమన్' సేవా సంస్థ ద్వారా వరద బాధితులకు ఆహారం కూడా అందిస్తున్నట్లు సమాచారం. ఈ కార్యక్రమంతో వందలాది నిరాశ్రయ కుటుంబాలకు తాత్కాలిక ఆశ్రయం, అవసరమైన సహాయం అందే అవకాశం ఉంది.