దీపావళి నేపథ్యంలో పేకాటపై నిషేధం

పేకాట ఆడినా, నిర్వహించినా చట్టపరమైన చర్యలు: సీపీ సాయి చైతన్య

నిజామాబాద్ (ఎన్ టుడే న్యూస్):

దీపావళి పండుగ నేపథ్యంలో నిజామాబాద్ పోలీస్ కమిషనరేట్ పరిధిలో పేకాటపై నిషేధం విధించినట్లు పోలీస్ కమిషనర్ సాయి చైతన్య తెలిపారు. పండుగ సమయంలో ఎవరైనా పేకాట ఆడినా, నిర్వహించినా చట్టపరమైన చర్యలు తీసుకుంటామని హెచ్చరించారు.

జిల్లాలో ఎక్కడైనా పేకాట నిర్వహిస్తున్నట్లు సమాచారం తెలిస్తే వెంటనే పోలీసులకు తెలియజేయాలని సీపీ సూచించారు. సమాచారం అందించే వారు 8712659700 నంబర్‌కు ఫోన్ చేసి వివరాలు తెలియజేయాలని కోరారు. పేకాట కార్యకలాపాలపై పోలీసులకు సహకరించాలని ప్రజలకు విజ్ఞప్తి చేశారు.