​బ్రేకులు ఫెయిల్ అయి బొలెరో వాహనం బోల్తా : తప్పిన ప్రమాదం

​​బ్రేకులు ఫెయిల్ అయి బొలెరో వాహనం బోల్తా : తప్పిన ప్రమాదం  

నల్గొండ జిల్లా చిట్యాల పట్టణ కేంద్రంలో ప్రమాదం చోటుచేసుకుంది. హైదరాబాద్ నుండి మిర్యాలగూడ వైపు పెయింటింగ్ డబ్బాల లోడుతో వెళ్తున్న ఒక బొలేరో వాహనం బ్రేకులు ఫెయిల్ కావడంతో అదుపుతప్పి రోడ్డుపై బోల్తా పడింది. ​ఈ ప్రమాదంతో రహదారిపై పెయింట్ డబ్బాలు చెల్లాచెదరుగా పడిపోవడంతో వాహనాల రాకపోకలకు తీవ్ర అంతరాయం ఏర్పడింది. రహదారికి ఇరువైపులా భారీగా ట్రాఫిక్ జామ్ నెలకొంది. ప్రమాద సమాచారం అందుకున్న పోలీసులు వెంటనే ఘటనా స్థలానికి చేరుకుని సహాయక చర్యలు చేపట్టారు. బోల్తా పడిన వాహనాన్ని క్రేన్ సహాయంతో రహదారి నుండి తొలగించి, ట్రాఫిక్‌ను క్రమబద్ధీకరించారు. దీంతో కొంతసేపటి తర్వాత వాహనాల రాకపోకలు సాధారణ స్థితికి చేరుకున్నాయి.