ముషీరాబాద్‌లో ఏసీబీ వలలో డీఈఈ

రూ.10 వేల లంచం తీసుకుంటుండగా రెడ్‌హ్యాండెడ్‌గా పట్టుకున్న అధికారులు

హైదరాబాద్‌: తెలంగాణ అవినీతి నిరోధక శాఖ అధికారులు ముషీరాబాద్‌ డివిజన్‌ డిప్యూటీ ఎగ్జిక్యూటివ్‌ ఇంజనీర్‌ సాయిరామ్‌ను లంచం తీసుకుంటుండగా రెడ్‌హ్యాండెడ్‌గా పట్టుకున్నారు. రెండు కాంట్రాక్టు పనులకు సంబంధించిన నాణ్యత నియంత్రణ ధ్రువపత్రాలు జారీ చేసేందుకు ఫిర్యాదుదారుడి నుంచి రూ.10 వేల లంచం డిమాండ్‌ చేసినట్లు ఏసీబీ అధికారులు తెలిపారు.

లంచం మొత్తాన్ని స్వీకరిస్తున్న సమయంలో ఏసీబీ అధికారులు దాడి చేసి సాయిరామ్‌ను పట్టుకున్నారు. ఆయన వద్ద నుంచి రూ.10 వేల లంచం సొమ్మును స్వాధీనం చేసుకున్నారు.

అనంతరం నిందితుడిని అదుపులోకి తీసుకుని నాంపల్లిలోని ఏసీబీ ప్రత్యేక న్యాయస్థానంలో న్యాయపరమైన రిమాండ్‌ కోసం హాజరుపరుస్తున్నట్లు అధికారులు వెల్లడించారు.