బుల్లెట్ బండి అంటే ఇష్టపడని వారు ఎవరుంటారు..!
బుల్లెట్ బండి అంటే ఇష్టపడని వారు ఎవరుంటారు. అటువంటి బుల్లెట్ బండిని తయారు చేసే రాయల్ ఎన్ఫీల్డ్ కంపెనీని మన ఆంధ్రప్రదేశ్ కి తెచ్చారు సీఎం చంద్రబాబు
యువతకు స్టైల్కు ప్రతీకగా, రైతు బిడ్డకు గర్వకారణంగా, ప్రతి బైక్ ప్రేమికుడి కలగా నిలిచిన ప్రఖ్యాత ‘బుల్లెట్’ మోటార్సైకిల్ ఇకపై మన ఆంధ్రప్రదేశ్ నేలపై తయారుకానుండటం రాష్ట్రానికి గర్వకారణం. ప్రపంచవ్యాప్తంగా ప్రత్యేక గుర్తింపు పొందిన సంస్థను ఏపీకి తీసుకురావడంలో ముఖ్యమంత్రి, మంత్రి కృషి అభినందనీయం.
ఈ ప్రాజెక్ట్ ద్వారా రాష్ట్రంలో పారిశ్రామికాభివృద్ధికి కొత్త ఊపు రానుంది. వేలాది మంది యువతకు ప్రత్యక్ష, పరోక్షంగా ఉద్యోగ అవకాశాలు లభించనున్నాయి. ఆటోమొబైల్ రంగంలో ఆంధ్రప్రదేశ్ మరో మెట్టు ఎక్కబోతోంది. “మేడ్ ఇన్ ఆంధ్రప్రదేశ్” పేరుతో ప్రపంచవ్యాప్తంగా పరుగులు తీసే బుల్లెట్ బైక్లు ఇకపై మన రాష్ట్ర ప్రతిష్టను మరింత పెంచనున్నాయి.
రాష్ట్రానికి పెట్టుబడులు తీసుకురావడం మాత్రమే కాదు, యువత భవిష్యత్తుకు బలమైన పునాది వేయడంలో ఈ ప్రభుత్వం ముందంజలో ఉందని మరోసారి నిరూపితమైంది. పరిశ్రమలు వస్తే ఉపాధి వస్తుంది.. ఉపాధి వస్తే కుటుంబాలు అభివృద్ధి చెందుతాయి.. రాష్ట్ర ఆర్థిక వ్యవస్థ బలోపేతం అవుతుంది. ఆ దిశగా ఇది చారిత్రాత్మక అడుగు.
ఈ ఆనందాన్ని పంచుకుంటూ తెలుగుదేశం పార్టీ నాయకులు, కార్యకర్తలు, అభిమానులు మాత్రమే కాకుండా సాధారణ ప్రజలు కూడా హర్షం వ్యక్తం చేస్తున్నారు. “బుల్లెట్ సౌండ్ ఇకపై ఆంధ్రప్రదేశ్ అభివృద్ధి నినాదంగా మారబోతోంది” అంటూ సోషల్ మీడియాలో పోస్టులు వైరల్ అవుతున్నాయి.
పరిశ్రమలకు అనుకూల వాతావరణం, పారదర్శక పాలన, వేగవంతమైన నిర్ణయాలతో ఆంధ్రప్రదేశ్ దేశంలోనే పెట్టుబడులకు అత్యుత్తమ గమ్యస్థానంగా మారుతోందని ఈ ఒప్పందం మరోసారి చాటిచెప్పింది. యువత ఆశలు, రాష్ట్ర అభివృద్ధి లక్ష్యాలను నెరవేర్చే దిశగా ప్రభుత్వం వేస్తున్న ప్రతి అడుగుకూ ప్రజల మద్దతు లభిస్తోంది.
