చైతన్య వికాస్ మహిళా సహకార సంఘం 20వ వార్షికోత్సవ వేడుకలు
వేడుకలకు ముఖ్య అతిథిగా హాజరైన ఎల్‌బీనగర్‌ ఎమ్మెల్యే
మహిళల ఆర్థిక స్వావలంబనకు సహకార సంఘాల సేవలు అభినందనీయం: ఎమ్మెల్యే దేవిరెడ్డి సుధీర్‌రెడ్డి
ఎల్‌బీనగర్‌, అక్టోబర్‌ 31 (ఎన్‌ టుడే న్యూస్‌): వనస్థలిపురం డివిజన్‌ పరిధిలోని చింతలకుంట సమీపంలో ఉన్న ఆర్‌టీసీ కాలనీ కమ్యూనిటీ హాల్‌లో చైతన్య వికాస్ మహిళా సహకార పొదుపు పరపతి సంఘం లిమిటెడ్‌ 20వ వార్షికోత్సవ వేడుకలను ఘనంగా నిర్వహించారు. ఈ కార్యక్రమానికి ఎల్‌బీనగర్‌ శాసనసభ్యుడు దేవిరెడ్డి సుధీర్‌రెడ్డి ముఖ్య అతిథిగా హాజరయ్యారు.
ఈ సందర్భంగా ఎమ్మెల్యే సుధీర్‌రెడ్డి మాట్లాడుతూ.. మహిళల ఆర్థిక స్వావలంబన, పొదుపు అలవాట్ల పెంపుదల, పరస్పర సహకారం వంటి లక్ష్యాలతో మహిళా సహకార సంఘాలు అందిస్తున్న సేవలు అభినందనీయమని అన్నారు. మహిళలు ఆర్థికంగా అభివృద్ధి సాధిస్తూ కుటుంబాల అభ్యున్నతితో పాటు సమాజ అభివృద్ధిలోనూ భాగస్వాములు కావడం సంతోషకరమని పేర్కొన్నారు.
చైతన్య వికాస్ మహిళా సహకార సంఘం మరిన్ని విజయాలు సాధించాలని ఆకాంక్షించారు. మహిళల సంక్షేమం, ఆర్థిక అభివృద్ధికి సంఘం ఇదే స్ఫూర్తితో నిరంతరం కృషి చేయాలని సూచించారు.
ఈ కార్యక్రమంలో పలు మహిళా సంఘాల ప్రతినిధులు, సభ్యులు పాల్గొన్నారు.
