చిట్యాల ప్రాథమిక పాఠశాల ఆవరణలో పాము సంచారం

పరిసరాల పరిశుభ్రతపై తల్లిదండ్రుల ఆందోళన

  NTODAY NEWS :  చిట్యాల, 

నల్గొండ జిల్లా చిట్యాల మున్సిపాలిటీ పరిధిలోని మండల పరిషత్ ప్రాథమిక పాఠశాలలో బుధవారం పాము సంచారం కలకలం రేపింది. పాఠశాల పాఠశాలలో ఒక విద్యార్థిని దింపి వెళుతున్న పేరెంట్ చూడడంతో ఆ పాముని అక్కడికక్కడే చంపేశామని తెలిపారు. పాఠశాల లో పక్కనే చెత్తాచెదారం పేరుకుపోవడంతో పాటు గడ్డి, పిచ్చిమొక్కలు పెరగడంతో పాములు సంచరిస్తున్నాయని స్థానికులు తెలిపారు. ఉదయం సమయంలో పాము కనిపించినట్లు సమాచారం. 

ఆ సమయంలో విద్యార్థులు పాఠశాలకు చేరుకోకపోవడంతో పెను ప్రమాదం తప్పిందని తల్లిదండ్రులు పేర్కొన్నారు. పాఠశాల పరిసరాల్లో చెత్తాచెదారం, గడ్డి తొలగించి పరిశుభ్రంగా ఉంచాలని, భవిష్యత్‌లో ఇలాంటి ఘటనలు పునరావృతం కాకుండా సంబంధిత అధికారులు తక్షణ చర్యలు చేపట్టాలని తల్లిదండ్రులు కోరుతున్నారు.