ఈనెల 9న ప్రకాశం జిల్లాలో సీఎం చంద్రబాబు పర్యటన

ప్రకాశం జిల్లా: ఈనెల 9వ తేదీన ముఖ్యమంత్రి చంద్రబాబు నాయుడు ప్రకాశం జిల్లాలో పర్యటించనున్నట్లు మంత్రి బాల వీరాంజనేయ స్వామి తెలిపారు. భూముల రీ-సర్వే పూర్తయిన అనంతరం సిద్ధమైన పాస్ పుస్తకాలను రైతులకు పంపిణీ చేసే కార్యక్రమంలో ముఖ్యమంత్రి పాల్గొననున్నట్లు వెల్లడించారు.

జరుగుమల్లి మండలంలో ఈ కార్యక్రమాన్ని నిర్వహించేందుకు అధికారులు ఏర్పాట్లు చేస్తున్నట్లు మంత్రి తెలిపారు. మండలంలోని కే.బిట్రగుంట లేదా నర్సింగోలు గ్రామాల్లో ముఖ్యమంత్రి పర్యటన కార్యక్రమాన్ని నిర్వహించే అవకాశం ఉందని పేర్కొన్నారు.

రీ-సర్వే అనంతరం భూ వివరాలకు సంబంధించిన పాస్ పుస్తకాలను రైతులకు అందజేయడం ద్వారా భూ రికార్డుల నిర్వహణ మరింత పారదర్శకంగా మారుతుందని అధికారులు భావిస్తున్నారు. ముఖ్యమంత్రి పర్యటన నేపథ్యంలో సంబంధిత శాఖల అధికారులు కార్యక్రమ ఏర్పాట్లపై దృష్టి సారించారు.