రూ.1.65 లక్షల సీఎం రిలీఫ్ ఫండ్ చెక్కు అందజేత

గొల్లపల్లి, ఎన్ టుడే న్యూస్: జగిత్యాల జిల్లా గొల్లపల్లి మండలం లోత్తునూర్ గ్రామానికి చెందిన కాళ్ల శివాజీ కుటుంబానికి సీఎం రిలీఫ్ ఫండ్ (CMRF) ద్వారా రూ.1,65,900 ఆర్థిక సహాయం మంజూరైంది.

రాష్ట్ర సాంఘిక సంక్షేమ శాఖ మంత్రి అడ్లూరి లక్ష్మణ్ కుమార్ చొరవతో ఈ నిధులు మంజూరైనట్లు తెలిపారు. మంజూరైన చెక్కును లోత్తునూర్ గ్రామ సర్పంచ్ ఆకుల సుమన్ గౌడ్ గ్రామపంచాయతీ కార్యాలయం వద్ద బాధిత కుటుంబ సభ్యులకు అందజేశారు.

ఈ సందర్భంగా బాధిత కుటుంబ సభ్యులు మాట్లాడుతూ ఆర్థిక సహాయం అందించిన ప్రభుత్వానికి, మంత్రి అడ్లూరి లక్ష్మణ్ కుమార్‌కు కృతజ్ఞతలు తెలిపారు. గ్రామ ప్రజలు కూడా ప్రభుత్వానికి ధన్యవాదాలు తెలిపారు.