గంధంపల్లి కొత్తపేటలో ఘనంగా సీఎం రేవంత్ రెడ్డి జన్మదిన వేడుకలు

ఇందిరాగాంధీ విగ్రహం వద్ద కేక్ కట్ చేసి సంబరాలు

బయ్యారం, నవంబర్ 8 (ఎన్ టుడే న్యూస్): తెలంగాణ ముఖ్యమంత్రి ఎనుముల రేవంత్ రెడ్డి జన్మదినాన్ని పురస్కరించుకుని మహబూబాబాద్ జిల్లా బయ్యారం మండలం గంధంపల్లి కొత్తపేట గ్రామపంచాయతీలో కాంగ్రెస్ పార్టీ నాయకులు, కార్యకర్తలు వేడుకలను ఘనంగా నిర్వహించారు. గ్రామ సర్పంచ్ భూక్య ప్రవీణ్ నాయక్ ఆధ్వర్యంలో గ్రామంలోని ఇందిరాగాంధీ విగ్రహం వద్ద కేక్ కట్ చేసి ముఖ్యమంత్రి జన్మదిన వేడుకలను ఆనందోత్సాహాల మధ్య జరుపుకున్నారు.

ఈ సందర్భంగా కాంగ్రెస్ పార్టీ నాయకులు, కార్యకర్తలు ఒకచోట చేరి ముఖ్యమంత్రి రేవంత్ రెడ్డికి జన్మదిన శుభాకాంక్షలు తెలియజేశారు. కేక్ కట్ చేసి పరస్పరం శుభాకాంక్షలు పంచుకుంటూ వేడుకల్లో పాల్గొన్నారు. గ్రామస్థుల సమక్షంలో నిర్వహించిన ఈ కార్యక్రమం సందడిగా సాగింది.

ఈ కార్యక్రమంలో కాంగ్రెస్ పార్టీ మండల అధ్యక్షుడు జూలకంటి సీతారామిరెడ్డి, గ్రామ అధ్యక్షుడు కార్పోతుల రామ్మూర్తి, అవిరినేని శ్రీనివాస్ రావు, వార్డు సభ్యులు, కాంగ్రెస్ పార్టీ నాయకులు, కార్యకర్తలు, గ్రామ ప్రజలు పాల్గొన్నారు.