కోటపాడులో టీడీపీ అభ్యర్థి మోదుగుమూడి రమేష్ ఘన విజయం..

177 ఓట్ల మెజారిటీతో ఎంపీటీసీ స్థానం కైవసం విజయంపై మంచిన పూర్ణచంద్రరావు హర్షం.. 

సహకరించిన నాయకులు, కార్యకర్తలకు అభినందనలు

చాట్రాయి మండలం, కోటపాడు: ఏలూరు జిల్లా, నూజివీడు నియోజకవర్గం, చాట్రాయి మండలం కోటపాడు గ్రామంలో జరిగిన ఎంపీటీసీ ఎన్నికల్లో టీడీపీ అభ్యర్థి మోదుగుమూడి రమేష్ 177 ఓట్ల మెజారిటీతో ఘన విజయం సాధించారు. ఈ విజయంతో గ్రామంలో టీడీపీ శ్రేణులు, అభిమానులు, కార్యకర్తల్లో ఆనందోత్సాహాలు వెల్లివిరిశాయి. మోదుగుమూడి రమేష్ విజయంపై మంచిన పూర్ణచంద్రరావు ప్రత్యేకంగా హర్షం వ్యక్తం చేశారు. గ్రామ ప్రజలు అందించిన మద్దతు, నమ్మకంతోనే ఈ విజయం సాధ్యమైందని పేర్కొన్నారు. ఎన్నికల్లో రమేష్‌కు అండగా నిలిచి, విజయానికి కృషి చేసిన ప్రతి ఒక్కరికీ కృతజ్ఞతలు తెలిపారు. ఈ సందర్భంగా గ్రామంలోని మహిళలు, టీడీపీ నాయకులు, కార్యకర్తలు, అభిమానులతో కలిసి మంచిన పూర్ణచంద్రరావు విజయోత్సాహాన్ని పంచుకున్నారు. ప్రజలు తమపై ఉంచిన నమ్మకాన్ని నిలబెట్టుకుంటూ గ్రామ అభివృద్ధికి సమష్టిగా కృషి చేయాల్సిన బాధ్యత అందరిపై ఉందని ఆయన పేర్కొన్నారు. ఈ ఎన్నికల్లో మోదుగుమూడి రమేష్ విజయానికి ప్రత్యక్షంగా, పరోక్షంగా అన్ని విధాలా సహకరించిన మంచిన పూర్ణచంద్రరావును టీడీపీ నాయకులు, కార్యకర్తలు ప్రత్యేకంగా అభినందించారు. కోటపాడు గ్రామంలో పార్టీ శ్రేణుల మధ్య విజయోత్సాహం నెలకొంది.