రామన్నపేటలో సీఎం రేవంత్ రెడ్డి జన్మదిన వేడుకలు

కేక్ కట్ చేసి సంబరాలు.. ప్రభుత్వ ఆసుపత్రిలో రోగులకు పండ్ల పంపిణీ

రామన్నపేట, నవంబర్ 8 (ఎన్ టుడే న్యూస్): తెలంగాణ రాష్ట్ర ముఖ్యమంత్రి ఎనుముల రేవంత్ రెడ్డి జన్మదిన వేడుకలను యాదాద్రి భువనగిరి జిల్లా రామన్నపేట మండల కేంద్రంలో కాంగ్రెస్ పార్టీ నాయకులు ఘనంగా నిర్వహించారు. మండల కాంగ్రెస్ అధ్యక్షుడు పున్న జగన్మోహన్ అధ్యక్షతన జరిగిన ఈ వేడుకల్లో పార్టీ నాయకులు, ప్రజాప్రతినిధులు, కార్యకర్తలు పెద్ద సంఖ్యలో పాల్గొని ముఖ్యమంత్రికి జన్మదిన శుభాకాంక్షలు తెలిపారు.

ఈ సందర్భంగా రామన్నపేటలోని సుభాష్ సెంటర్‌లో కేక్ కట్ చేసి వేడుకలు నిర్వహించారు. అనంతరం ప్రభుత్వ ఆసుపత్రికి వెళ్లి రోగులకు పండ్లు పంపిణీ చేశారు. ముఖ్యమంత్రి జన్మదినాన్ని పురస్కరించుకుని సేవా కార్యక్రమాలు చేపట్టడం ద్వారా వేడుకలను నిర్వహించారు. ఈ కార్యక్రమంలో పాల్గొన్న నాయకులు ముఖ్యమంత్రి రేవంత్ రెడ్డి నాయకత్వంలో రాష్ట్రం మరింత అభివృద్ధి చెందాలని ఆకాంక్షించారు.

ఈ కార్యక్రమంలో మాజీ మార్కెట్ వైస్ చైర్మన్ సిరిగిరెడ్డి మల్లారెడ్డి, సింగిల్ విండో చైర్మన్ బిక్షం రెడ్డి, సర్పంచుల ఫోరం మండల అధ్యక్షుడు కందిమల్ల గోపాల్ రెడ్డి, బత్తుల కృష్ణ గౌడ్, పట్టణ కాంగ్రెస్ అధ్యక్షుడు జమీరుద్దీన్, గోదాసు పృథ్వీరాజ్, ఉప సర్పంచ్ మోటె రమేష్, గుత్త నర్సిరెడ్డి, సాల్వేరు అశోక్, గుండాల నరసింహ, అక్రమ్, శోభనాద్రిపురం సర్పంచ్ కంచి మధు, రామ్ చంద్రారెడ్డి, గోగు హరిప్రసాద్, యండి నాసర్, కోట సుధాకర్, కొమ్ము రామస్వామి, అన్వర్, లెంకల ప్రవీణ్, సుదర్శన్‌తో పాటు మండలంలోని వివిధ గ్రామాల కాంగ్రెస్ నాయకులు, కార్యకర్తలు పాల్గొన్నారు.