CMRF ద్వారా రూ.2 లక్షల ఎల్‌ఓసీ అందజేత

మంచిర్యాల: అనారోగ్యంతో హైదరాబాద్‌లోని నిమ్స్ ఆసుపత్రిలో చికిత్స పొందుతున్న లక్షెట్టిపేట్ మున్సిపాలిటీ పరిధిలోని 5వ వార్డు గోదావరి రోడ్డుకు చెందిన గడ్డం భాస్కర్‌కు ముఖ్యమంత్రి సహాయనిధి (CMRF) ద్వారా రూ.2 లక్షల విలువైన ఎల్‌ఓసీ మంజూరైంది.

మంజూరైన ఎల్‌ఓసీ పత్రాన్ని మంచిర్యాల ఎమ్మెల్యే కొక్కిరాల ప్రేమ్ సాగర్ రావు భాస్కర్ కుటుంబ సభ్యులకు అందజేశారు. అనారోగ్యంతో చికిత్స పొందుతున్న భాస్కర్‌కు వైద్య ఖర్చుల కోసం ఆర్థిక సహాయం అందించేందుకు CMRF ద్వారా ఈ నిధులు మంజూరైనట్లు తెలిపారు.

చికిత్సకు అయ్యే ఖర్చుల నేపథ్యంలో ఆర్థిక ఇబ్బందులు ఎదుర్కొంటున్న కుటుంబానికి ముఖ్యమంత్రి సహాయనిధి ద్వారా మంజూరైన రూ.2 లక్షల ఎల్‌ఓసీ కొంత మేరకు ఉపశమనం కలిగించనుందని కుటుంబ సభ్యులు తెలిపారు. ఈ సందర్భంగా ఎమ్మెల్యే కొక్కిరాల ప్రేమ్ సాగర్ రావుకు వారు కృతజ్ఞతలు తెలిపారు.