ప్రకాశం, మార్కాపురం జిల్లాల్లో కూటమి పార్టీల ఆధిపత్యం

మార్కాపురంలో అన్ని జడ్పీటీసీలు కూటమి ఖాతాలోకి.. ప్రకాశంలో రెండు మినహా మిగతావన్నీ కైవసం

ప్రకాశం (ఎన్ టుడే న్యూస్):

ప్రకాశం, మార్కాపురం జిల్లాల్లో జడ్పీటీసీ, ఎంపీటీసీ ఎన్నికల ఫలితాల్లో కూటమి పార్టీలు ఆధిక్యం సాధించాయి. మార్కాపురం జిల్లాలో అన్ని జడ్పీటీసీ స్థానాలను కూటమి పార్టీలు గెలుచుకోగా, ప్రకాశం జిల్లాలో రెండు స్థానాలు మినహా మిగతా జడ్పీటీసీ స్థానాలన్నీ కూటమి ఖాతాలో చేరాయి. దీంతో ఈ రెండు జిల్లాల్లో జడ్పీ చైర్మన్ పదవులు కూటమి పార్టీలకు దక్కనున్నాయి.

ఎంపీటీసీ ఫలితాల్లోనూ కూటమి పార్టీలదే పైచేయిగా నిలిచింది. మార్కాపురం, ప్రకాశం జిల్లాల్లోని ఏ మండలంలోనూ వైఎస్సార్ కాంగ్రెస్ పార్టీ (వైసీపీ) మెజారిటీ ఎంపీటీసీ స్థానాలను సాధించలేకపోయింది.

ఈ నేపథ్యంలో మార్కాపురం జిల్లాలోని 21, ప్రకాశం జిల్లాలోని 27 మండల పరిషత్ అధ్యక్ష (ఎంపీపీ) పదవులను కూటమి పార్టీలు పంచుకోనున్నాయి. జడ్పీటీసీ, ఎంపీటీసీ ఫలితాల ఆధారంగా రెండు జిల్లాల్లోనూ స్థానిక సంస్థల పాలనలో కూటమి పార్టీలకు ఆధిక్యం లభించనుంది.