మార్కాపురం జిల్లాలో ప్రశాంతంగా ఎంపీటీసీ, జడ్పీటీసీ ఓట్ల లెక్కింపు

274 ఎంపీటీసీ స్థానాల్లో 217 ఏకగ్రీవం.. 57 స్థానాలకు ఓట్ల లెక్కింపు పూర్తి

మార్కాపురం (ఎన్ టుడే న్యూస్):

మార్కాపురం జిల్లాలో ఎంపీటీసీ, జడ్పీటీసీ ఎన్నికల ఓట్ల లెక్కింపు ప్రక్రియ ప్రశాంతంగా ముగిసిందని జిల్లా కలెక్టర్ విజయ సునీత తెలిపారు. ఎన్నికల ప్రక్రియలో భాగంగా ఓట్ల లెక్కింపు పూర్తిచేసి విజేతలకు డిక్లరేషన్ ఫారాలు అందజేసినట్లు వెల్లడించారు.

జిల్లాలో మొత్తం 274 ఎంపీటీసీ స్థానాలు ఉండగా, వాటిలో 217 స్థానాలు ఏకగ్రీవమయ్యాయి. మిగిలిన 57 స్థానాలకు ఎన్నికలు నిర్వహించి ఓట్ల లెక్కింపు చేపట్టినట్లు కలెక్టర్ వివరించారు. కౌంటింగ్ అనంతరం విజేతలకు డిక్లరేషన్ ఫారాలు అందజేసినట్లు తెలిపారు.

అదేవిధంగా జిల్లాలోని 21 జడ్పీటీసీ స్థానాలకు గాను ఆరు స్థానాలు ఏకగ్రీవమయ్యాయి. మిగిలిన 15 స్థానాలకు పోలింగ్ నిర్వహించి, అనంతరం ఓట్ల లెక్కింపు ప్రక్రియను పూర్తిచేసినట్లు కలెక్టర్ విజయ సునీత పేర్కొన్నారు.