చెన్నకేశవ స్వామి ఆలయ హుండీ లెక్కింపు..

రూ.15.13 లక్షల ఆదాయం

మార్కాపురం: జిల్లా కేంద్రంలోని చెన్నకేశవ స్వామి ఆలయంలో హుండీ లెక్కింపు కార్యక్రమాన్ని సోమవారం నిర్వహించారు. ఆలయ ఈఓ శ్రీనివాసరెడ్డి, ఇన్‌స్పెక్టర్ చైతన్య పర్యవేక్షణలో హుండీ ఆదాయాన్ని లెక్కించారు.

గత హుండీ లెక్కింపు అనంతరం ఐదు నెలల 19 రోజుల కాలానికి భక్తులు సమర్పించిన కానుకలను లెక్కించగా మొత్తం రూ.15,13,625 ఆదాయం వచ్చినట్లు ఆలయ అధికారులు తెలిపారు.

గత హుండీ ఆదాయంతో పోలిస్తే ఈసారి రూ.2,67,959 మేర ఆదాయం పెరిగినట్లు అధికారులు పేర్కొన్నారు. ఆలయానికి వచ్చే భక్తుల సంఖ్య, వారి నుంచి అందుతున్న కానుకల వివరాలను అధికారులు నమోదు చేశారు.

హుండీ లెక్కింపు కార్యక్రమంలో రాజ్యలక్ష్మి సేవా సంఘానికి చెందిన మహిళలు పాల్గొన్నారు. ఆలయ సిబ్బంది, నిర్వాహకులు తదితరులు కార్యక్రమంలో పాల్గొన్నారు.