దీపావళి సాయంత్రం లక్ష్మీపూజకు శుభ ముహూర్తం

సాయంత్రం 5.54 నుంచి రాత్రి 7.50 వరకు పూజకు అనుకూల సమయం

ఎన్ టుడే న్యూస్:

దీపావళి పర్వదినం సందర్భంగా సాయంత్రం లక్ష్మీపూజ నిర్వహించడం శుభప్రదమని పండితులు చెబుతున్నారు. లక్ష్మీదేవి అనుగ్రహం పొందేందుకు సంప్రదాయబద్ధంగా పూజలు నిర్వహించాలని సూచిస్తున్నారు. సాయంత్రం 5.54 గంటల నుంచి రాత్రి 7.50 గంటల వరకు లక్ష్మీపూజకు అనుకూల సమయంగా పేర్కొంటున్నారు.

పూజకు ముందు లక్ష్మీదేవిని ఆహ్వానించేలా ఇంటి ముందు దీపాలు వెలిగించాలని సూచిస్తున్నారు. పూజ ప్రారంభంలో విఘ్నేశ్వరుడిని ఆరాధించిన అనంతరం లక్ష్మీదేవికి పసుపు, కుంకుమ, గంధంతో అర్చన చేయాలి. అనంతరం పండ్లు, మిఠాయిలను నైవేద్యంగా సమర్పించాలని చెబుతున్నారు.

పూజ పూర్తయిన తర్వాత ఇంటి పరిసరాలను దీపాలతో అలంకరించుకోవాలని పండితులు సూచిస్తున్నారు. భక్తిశ్రద్ధలతో లక్ష్మీపూజ నిర్వహించి దీపావళి పండుగను సంప్రదాయబద్ధంగా జరుపుకోవాలని పేర్కొంటున్నారు.