వయోవృద్ధులకు వస్త్ర దానం

ఎన్టీఆర్ జిల్లా తిరువూరు నియోజకవర్గం తిరువూరు బస్టాండ్ సమీపంలోని ఐడియాస్ సేవా సంస్థ ప్రాంగణంలో మంగళవారం ఐడియాస్ సేవా సంస్థ ఆధ్వర్యంలో వయోవృద్ధులకు వస్త్రదానం కార్యక్రమం నిర్వహించారు.

భగత్‌సింగ్ నగర్, రాజుపేట, అశోక్‌నగర్, సీతామాలక్ష్మి కాలనీ, సూర్యా రెస్టారెంట్ సమీపంలోని జంగాల కాలనీ, మదర్ రోడ్, చింతల కాలనీలకు చెందిన 44 మంది వృద్ధులకు సంస్థ డైరెక్టర్ ఆధ్వర్యంలో చీరలు, దుప్పట్లు, దుండ్లు, లుంగీలను పంపిణీ చేశారు.

జర్మనీలోని మిసిరియర్ సంస్థ అందించిన వితరణతో నిరుపేద వృద్ధులకు అవసరమైన వస్త్రాలను ఐడియాస్ సేవా సంస్థ ద్వారా పంపిణీ చేస్తున్నట్లు నిర్వాహకులు తెలిపారు. సేవా కార్యక్రమాల్లో భాగంగా వృద్ధులకు అండగా నిలవడం తమ సంస్థ లక్ష్యమని పేర్కొన్నారు.

ఈ కార్యక్రమంలో సంస్థ జనరల్ మేనేజర్ వారి అంతయ్య, సెక్రటరీ మేరీ రాణి, వేల్పుల వెంకటరమణ, ధనికొండ నాగభూషణం (90), కొలీకిపోగు శ్రీరాములు (80), కూరపాటి ప్రకాశం (80), పానం ప్రకాష్ రావు (80), గుంజ మోహన్ రావు (76), గొల్లమందల వీరభద్రరావు (77), సంస్థ కోఆర్డినేటర్ గొల్లమందల నాగలక్ష్మి, వాలంటీర్లు సుజాత, రాజేశ్వరి, శ్రీను తదితరులు పాల్గొన్నారు.