ఈపీఎఫ్ ఖాతాల్లో వడ్డీ జమ.. ఇలా చెక్ చేసుకోండి

ఈపీఎఫ్ఓ (EPFO) 2025–26 ఆర్థిక సంవత్సరానికి సంబంధించిన ఈపీఎఫ్ వడ్డీని ఉద్యోగుల ఖాతాల్లో జమ చేస్తోంది. ఇప్పటికే ఎక్కువ మంది సభ్యుల ఖాతాల్లో వడ్డీ జమ కాగా, మిగిలిన ఖాతాల్లో కూడా జులై 15 నాటికి పూర్తయ్యే అవకాశం ఉంది.

ఖాతాలో వడ్డీ జమైందో లేదో తెలుసుకోవడానికి ఈపీఎఫ్ఓ మెంబర్ పోర్టల్ లేదా ఉమాంగ్ యాప్‌లో యూఏఎన్ (UAN), పాస్‌వర్డ్‌తో లాగిన్ అయి 'వ్యూ పాస్‌బుక్' (View Passbook) ఎంపిక ద్వారా బ్యాలెన్స్‌ను పరిశీలించవచ్చు.

అలాగే, రిజిస్టర్డ్ మొబైల్ నంబర్ నుంచి EPFOHO UAN TEL అని టైప్ చేసి 7738299899 నంబర్‌కు ఎస్‌ఎంఎస్ పంపితే, ఖాతా వివరాలు తెలుగులో పొందే సదుపాయం కూడా అందుబాటులో ఉంది.