ఏపీలో మున్సిపాలిటీలు, కార్పొరేషన్లలో ఎన్నికల కోడ్ ఎత్తివేత

గ్రామీణ ప్రాంతాల్లో యథావిధిగా అమల్లో.. డిసెంబర్ 2న ముగియనున్న పంచాయతీ ఎన్నికలు

అమరావతి (ఎన్ టుడే న్యూస్):

ఆంధ్రప్రదేశ్‌లో ఎన్నికల ఫలితాలు వెలువడిన మున్సిపాలిటీలు, కార్పొరేషన్ల పరిధిలో ఎన్నికల ప్రవర్తనా నియమావళిని (ఎన్నికల కోడ్) ఎత్తివేస్తూ రాష్ట్ర ఎన్నికల సంఘం నిర్ణయం తీసుకుంది. అయితే గ్రామీణ ప్రాంతాల్లో మాత్రం ఎన్నికల కోడ్ యథావిధిగా అమల్లో ఉంటుందని స్పష్టం చేసింది.

జెడ్పీటీసీ, ఎంపీటీసీ ఎన్నికలు పూర్తయినప్పటికీ, పంచాయతీ ఎన్నికలు ఇంకా కొనసాగుతున్న నేపథ్యంలో గ్రామీణ ప్రాంతాల్లో కోడ్‌ను కొనసాగించాలని నిర్ణయించినట్లు రాష్ట్ర ఎన్నికల సంఘం తెలిపింది.

షెడ్యూల్ ప్రకారం రాష్ట్రంలో పంచాయతీ ఎన్నికల ప్రక్రియ డిసెంబర్ 2వ తేదీతో ముగియనుంది. అప్పటివరకు గ్రామీణ ప్రాంతాల్లో ఎన్నికల ప్రవర్తనా నియమావళి అమల్లో కొనసాగనుంది.