చౌడేపల్లిలో వైఎస్సార్సీపీ స్థానిక ప్రజాప్రతినిధులకు వీడ్కోలు సన్మానం
చౌడేపల్లి, అన్నమయ్య జిల్లా: చౌడేపల్లి మండల పరిధిలో పదవీకాలం ముగియనున్న వైఎస్సార్ కాంగ్రెస్ పార్టీకి చెందిన జడ్పీటీసీ, ఎంపీపీ, వైస్ ఎంపీపీ, ఎంపీటీసీ సభ్యులకు పార్టీ ఆధ్వర్యంలో వీడ్కోలు సన్మాన కార్యక్రమం నిర్వహించారు.
స్థానిక సంస్థల ప్రస్తుత పాలకవర్గాల పదవీకాలం ముగింపు నేపథ్యంలో ఈ కార్యక్రమాన్ని నిర్వహించినట్లు పార్టీ వర్గాలు తెలిపాయి. మాజీ మంత్రి, పీలేరు ఎమ్మెల్యే పెద్దిరెడ్డి రామచంద్రారెడ్డి, మాజీ ఎంపీ పెద్దిరెడ్డి వెంకట మిథున్రెడ్డి ఆధ్వర్యంలో కార్యక్రమం జరిగినట్లు పేర్కొన్నారు.
ఈ సందర్భంగా పదవీకాలంలో ప్రజలకు అందించిన సేవలను ప్రస్తావిస్తూ జడ్పీటీసీలు, ఎంపీపీలు, వైస్ ఎంపీపీలు, ఎంపీటీసీ సభ్యులను శాలువాలు, పుష్పగుచ్ఛాలతో సత్కరించారు. అనంతరం వారికి శుభాకాంక్షలు తెలిపారు.
పదవీకాలం పూర్తవుతున్న సందర్భంగా ప్రజాప్రతినిధుల సేవలను గుర్తుచేసుకుంటూ ఈ కార్యక్రమాన్ని నిర్వహించినట్లు నిర్వాహకులు తెలిపారు.
కార్యక్రమంలో చౌడేపల్లి మండల మహిళా కార్యదర్శి రూప్నమ్మ, మండల అధ్యక్షుడు నాగభూషణ్రెడ్డి, మండల ఉపాధ్యక్షుడు అగ్గి వెంకటరమణ, వైఎస్సార్సీపీ నాయకులు, కార్యకర్తలు, అభిమానులు పాల్గొన్నారు.
