ఎమ్మెల్యే వేముల వీరేశంను కలిసిన ఊరుమడ్ల గ్రామ నాయకులు

నకిరేకల్: నకిరేకల్ నియోజకవర్గంలోని ఊరుమడ్ల గ్రామానికి చెందిన నాయకులు గురువారం ప్రభుత్వ విప్, ఎమ్మెల్యే వేముల వీరేశంను మర్యాదపూర్వకంగా కలిశారు. ఈ సందర్భంగా తిరుమల తిరుపతి దేవస్థానం ప్రసాదాన్ని ఎమ్మెల్యేకు అందజేసి, శాలువాతో సత్కరించారు.

అనంతరం ఊరుమడ్ల గ్రామంలో చేపట్టాల్సిన వివిధ అభివృద్ధి కార్యక్రమాలపై ఎమ్మెల్యేతో చర్చించారు. గ్రామంలో అవసరమైన అభివృద్ధి పనులకు నిధులు మంజూరు చేయాలని నాయకులు కోరారు.

అభివృద్ధి పనులకు సంబంధించి ఎమ్మెల్యే వేముల వీరేశం సానుకూలంగా స్పందించినట్లు నాయకులు తెలిపారు. గ్రామ సమస్యలు, అవసరమైన మౌలిక వసతులపై కూడా ఈ సందర్భంగా చర్చించినట్లు పేర్కొన్నారు.

కార్యక్రమంలో వ్యవసాయ మార్కెట్ డైరెక్టర్ కోనేటి యాదగిరి, సీనియర్ నాయకులు పల్లపు బుద్ధుడు, గ్రామ శాఖ అధ్యక్షుడు చెరుకు సైదులు, జన్నపాల శ్రీను, పల్లపు రామకృష్ణ, మేడబోయిన శ్రీను తదితరులు పాల్గొన్నారు.