రైతు సంఘం జాతీయ మహాసభలను విజయవంతం చేయాలి

NTODAY NEWS: చిట్యాల, 

నల్లగొండ జిల్లా కేంద్రంలో నవంబర్ 15 నుంచి 18వ తేదీ వరకు నిర్వహించనున్న అఖిల భారత కిసాన్ సభ (ఏఐకేఎస్) జాతీయ మహాసభలను విజయవంతం చేయాలని రైతు సంఘం జిల్లా ఉపాధ్యక్షులు ఐతరాజు నర్సింహా రైతులు, వ్యవసాయ కూలీలకు పిలుపునిచ్చారు. చిట్యాల మండలం ఉరుమడ్ల గ్రామంలో మంగళవారం ఉపాధి హామీ కూలీలు, రైతులతో నిర్వహించిన సమావేశంలో ఆయన మాట్లాడారు. మహాసభల సందర్భంగా నవంబర్ 15న నల్లగొండలో నిర్వహించే బహిరంగ సభకు రైతులు, వ్యవసాయ కూలీలు, అన్ని వర్గాల ప్రజలు పెద్ద సంఖ్యలో హాజరై విజయవంతం చేయాలని కోరారు. రైతాంగ సమస్యలు, వ్యవసాయ కూలీల హక్కుల సాధన కోసం జరిగే ఈ మహాసభలకు ప్రజలు మద్దతుగా నిలవాలని విజ్ఞప్తి చేశారు. ఈ కార్యక్రమంలో రైతు సంఘం మండల నాయకులు బెలిజ మల్లయ్య, పాకాల పెద్దులు, ఉయ్యాల మారయ్య, సంధ్య, యాదమ్మ, లక్ష్మీ, నర్సమ్మ తదితరులు పాల్గొన్నారు.