బైంసాలో ఎస్పీ ప్రజావాణి.. ప్రజల నుంచి ఫిర్యాదుల స్వీకరణకు ప్రత్యేక ఏర్పాట్లు

ఉదయం 10 గంటల నుంచి మధ్యాహ్నం ఒంటి గంట వరకు అందుబాటులో ఎస్పీ డాక్టర్ జి. జానకి షర్మిల

బైంసా (ఎన్ టుడే న్యూస్):

జిల్లా ప్రజల సమస్యలు, ఫిర్యాదులను నేరుగా తెలుసుకొని పరిష్కరించేందుకు నిర్మల్ జిల్లా ఎస్పీ డాక్టర్ జి. జానకి షర్మిల, ఐపీఎస్, బుధవారం బైంసాలో నిర్వహించే ప్రజావాణి కార్యక్రమంలో పాల్గొననున్నారు.

క్యాంపు కార్యాలయంలో ఫిర్యాదుల స్వీకరణ

బుధవారం ఉదయం 10 గంటల నుంచి మధ్యాహ్నం ఒంటి గంట వరకు బైంసాలోని ఎస్పీ క్యాంపు కార్యాలయంలో ప్రజల నుంచి ఫిర్యాదులను స్వీకరించనున్నారు. పోలీస్ శాఖకు సంబంధించిన సమస్యలు లేదా ఫిర్యాదులు ఉన్న బాధితులు నేరుగా ఎస్పీని కలిసి తమ సమస్యలను వివరించి వినతిపత్రాలు అందజేయవచ్చని జిల్లా పోలీస్ శాఖ ఒక ప్రకటనలో తెలిపింది.

ప్రజలు అవకాశాన్ని సద్వినియోగం చేసుకోవాలి

ప్రజలు ఈ అవకాశాన్ని సద్వినియోగం చేసుకొని తమ సమస్యలను ఎస్పీ దృష్టికి తీసుకురావాలని పోలీస్ శాఖ కోరింది. ప్రజలకు మెరుగైన పోలీసు సేవలు అందించడంతో పాటు, బాధితుల ఫిర్యాదుల పరిష్కారానికి ప్రాధాన్యత ఇస్తున్నట్లు పేర్కొంది.