డ్వాక్రా మహిళలకు ఉచితంగా ఎగ్ కార్ట్లు

ఆంధ్రప్రదేశ్‌లో డ్వాక్రా మహిళలకు స్వయం ఉపాధి కల్పించి ఆర్థికంగా బలోపేతం చేసే లక్ష్యంతో ఎగ్ కార్ట్‌ పథకాన్ని అమలు చేస్తున్నారు. అర్హులైన స్వయం సహాయక సంఘాల మహిళలకు సుమారు రూ.50 వేల విలువైన ఎగ్ కార్ట్లను ఉచితంగా అందిస్తున్నారు. ఎగ్ కార్ట్లతో గుడ్ల విక్రయ వ్యాపారం ప్రారంభించి మహిళలు స్వయం ఉపాధి పొందేలా ఈ కార్యక్రమాన్ని అమలు చేస్తున్నారు. ఎగ్ కార్ట్‌తో పాటు అవసరమైన పరికరాలను కూడా అందిస్తున్నట్లు సమాచారం. 

ఈ పథకం ద్వారా మహిళలు తమకు అనుకూలమైన ప్రాంతాల్లో గుడ్ల విక్రయ కేంద్రాలను నిర్వహించుకునే అవకాశం ఉంటుంది. వ్యాపారం, అమ్మకాల పరిమాణం, ప్రాంతీయ డిమాండ్‌ను బట్టి ఆదాయం మారవచ్చు. నెలకు రూ.20 వేల నుంచి రూ.50 వేల వరకు ఆదాయం వస్తుందని ప్రచారం జరుగుతున్నప్పటికీ, ఇది ప్రతి లబ్ధిదారుకూ ఖచ్చితంగా లభించే ఆదాయంగా పరిగణించకూడదు.