ఉస్మానియాలో ఉచిత లింగమార్పిడి సర్జరీలు

హైదరాబాద్‌లోని ఉస్మానియా జనరల్ ఆసుపత్రి వైద్య రంగంలో అరుదైన మైలురాయిని సాధించింది. గత 8 నెలల్లో 19 జెండర్ అఫర్మింగ్ సర్జరీలను విజయవంతంగా పూర్తి చేసింది.

ప్రైవేట్ ఆసుపత్రుల్లో లక్షల రూపాయలు ఖర్చయ్యే ఈ క్లిష్టమైన సర్జరీలను ఉస్మానియాలో రోగులకు ఉచితంగా అందిస్తున్నారు. దీంతో పేషెంట్లపై ఆర్థిక భారం తగ్గుతోంది.

 సీఎంఆర్‌ఎఫ్ (CMRF), ఆరోగ్యశ్రీ పథకాల ద్వారా ఈ చికిత్సలకు ఆర్థిక సహాయం అందుతోంది. ప్రైవేట్ ఆసుపత్రుల్లో ఈ సర్జరీలకు రూ.5 లక్షల నుంచి రూ.10 లక్షల వరకు ఖర్చవుతోంది.

 సిలికాన్ బ్రెస్ట్ ఇంప్లాంట్లను సైతం సీఎంఆర్‌ఎఫ్, ఎన్‌ఎస్‌సీ ద్వారా రోగులకు సమకూరుస్తున్నట్లు సమాచారం.