మొబైల్ ఈ-వేస్ట్‌కు భారీ డిమాండ్
జాతీయం
గడ్డం జగన్మోహన్ రెడ్డి
ఆంధ్రప్రదేశ్ స్టేట్ బ్యూరో
మొబైల్ ఫోన్లలో ఉపయోగించిన మదర్‌బోర్డులు, కెమెరాలు తదితర భాగాల్లో బంగారం, వెండి, రాగి వంటి విలువైన లోహాలు ఉంటాయి. దీంతో మొబైల్ ఈ-వేస్ట్‌కు మార్కెట్లో డిమాండ్ పెరుగుతోంది.
ఢిల్లీలో మొబైల్ స్క్రాప్ కిలో రూ.2.5 లక్షల వరకు ధర పలుకుతోందంటూ సోషల్ మీడియాలో వార్తలు వైరల్ అవుతున్నాయి. సాధారణంగా ఒక మొబైల్ ఫోన్‌లో సగటున సుమారు 0.034 గ్రాముల బంగారం ఉంటుందని పేర్కొంటున్నారు. ఈ-వేస్ట్‌ను ప్రత్యేక పద్ధతుల్లో ప్రాసెస్ చేసి విలువైన లోహాలను వెలికితీసే ప్రక్రియను ‘అర్బన్ మైనింగ్’గా పిలుస్తారు.
అయితే కిలోకు రూ.2.5 లక్షల ధర అనేది అన్ని రకాల మొబైల్ ఈ-వేస్ట్‌కు వర్తిస్తుందని భావించకూడదు. స్క్రాప్‌లోని లోహాల పరిమాణం, నాణ్యత, మార్కెట్ ధరలు, రీసైక్లింగ్ ప్రక్రియ తదితర అంశాల ఆధారంగా ధర మారుతుంది.
