మధురైలో భారీ చోరీ.. రూ.50 కోట్ల విలువైన బంగారు నగలు అపహరణ

తమిళనాడు రాష్ట్రంలోని మధురై నగరంలో భారీ దొంగతనం వెలుగుచూసింది. నగరంలోని ప్రముఖ తనిష్క్ బంగారు ఆభరణాల దుకాణంలో సుమారు రూ.50 కోట్ల విలువైన బంగారు నగలు అపహరణకు గురైనట్లు సమాచారం. షోరూమ్‌ షట్టర్‌ను పగలగొట్టి లోపలికి ప్రవేశించిన దొంగలు భారీ మొత్తంలో బంగారు ఆభరణాలను దోచుకెళ్లినట్లు తెలుస్తోంది. చోరీ జరిగిన విషయాన్ని గుర్తించిన షోరూమ్‌ నిర్వాహకులు పోలీసులకు ఫిర్యాదు చేశారు. దీనిపై పోలీసులు కేసు నమోదు చేసి దర్యాప్తు ప్రారంభించారు. చోరీ జరిగిన తీరును పరిశీలిస్తూ నిందితులను గుర్తించేందుకు గాలింపు చర్యలు చేపట్టారు. ఈ ఘటనతో మధురైలో కలకలం నెలకొంది.