వరంగల్ హనుమాన్ నగర్‌లో భారీ పాము సంచారం..

 స్థానికుల్లో ఆందోళన వరంగల్ జిల్లా కేంద్రంలోని గవిచర్ల రోడ్డులో ఉన్న హనుమాన్ నగర్ ప్రాంతంలో భారీ పాము సంచరిస్తుండటంతో స్థానికులు భయాందోళనకు గురవుతున్నారు. రాత్రి వేళ రాకపోకలు సాగిస్తున్న సమయంలో భారీ పామును గుర్తించినట్లు రిటైర్డ్ పోలీస్ ఆఫీసర్స్ అసోసియేషన్ మామునూరు సభ్యుడు రంగరాజు ప్రకాష్ తెలిపారు. పాము ఫొటోను పరిశీలించిన కొందరు అది కొండచిలువ అయి ఉండవచ్చని అనుమానం వ్యక్తం చేస్తున్నారు. జనావాసాల మధ్య భారీ పాము సంచరిస్తుండటంతో స్థానికులు అప్రమత్తమయ్యారు. అటవీశాఖ అధికారులు వెంటనే స్పందించి పామును గుర్తించి సురక్షితంగా పట్టుకోవాలని స్థానికులు కోరుతున్నారు.