గన్నవరం ఎయిర్‌పోర్ట్‌ నుంచి ఇండిగో విమాన సర్వీసులు నిలిపివేత

ఎన్ టుడే న్యూస్ విజయవాడ: మురసు తుఫాన్ ప్రభావంతో విమాన సర్వీసులపై తీవ్ర ప్రభావం పడింది. భారీ వర్షాల నేపథ్యంలో గన్నవరం విమానాశ్రయం నుంచి నడిచే ఇండిగో విమాన సర్వీసులను నిలిపివేసినట్లు సమాచారం. హైదరాబాద్, విశాఖపట్నం, బెంగళూరు, చెన్నై నగరాలకు వెళ్లే ఇండిగో విమానాల రాకపోకలను తాత్కాలికంగా నిలిపివేసినట్లు తెలుస్తోంది. ప్రతికూల వాతావరణ పరిస్థితులు, భారీ వర్షాల నేపథ్యంలో ప్రయాణికుల భద్రతను దృష్టిలో ఉంచుకుని ఈ నిర్ణయం తీసుకున్నట్లు సమాచారం. విమాన ప్రయాణానికి సిద్ధమవుతున్న ప్రయాణికులు తమ విమానాల ప్రస్తుత స్థితిని సంబంధిత విమానయాన సంస్థ ద్వారా నిర్ధారించుకోవాలని సూచిస్తున్నారు.