తిరువూరులో వర్షాలతో నీట మునిగిన పంట పొలాల పరిశీలన

తిరువూరు మండలంలో గత రెండు రోజులుగా అర్ణబ్ తుఫాను కారణంగా కురుస్తున్న వర్షాల కు  నీట మునిగిన రాజుపేట - అక్కపాలెం రోడ్ లోని పొలాలను ఏవో పి.పద్మ పరిశీలించారు. మండలంలో  సుమారు 70 హెక్టార్ల పంట కు నష్టం జరిగే అవకాశం ఉండొచ్చని ప్రాథమిక పంట నష్ట అంచనాలను పై అధికారులకు సమర్పించడమైనదని తెలియచేశారు. వర్షం తగ్గే వరకు రైతులు పొలం లో పనులు చేసేటపుడు కరెంట్ స్తంభాలకు, మీటరు, ట్రాన్స్ఫార్మర్ లకు దూరంగా ఉండాలని, రైతులు తగు జాగ్రత్తలు తీసుకోవాలని తెలియచేశారు. వర్షం ఆగిన తర్వాత మునిగిన పొలాలలో నీరు బయటకు పోయే మార్గాలు ఏర్పాటు చేసుకుని, పంటల రక్షణకై తెగులు మందులు పిచికారీ చేయాలని సూచించారు. క్షేత్ర పరిశీలనలో ఏ ఈ ఓ కావ్య, రైతులు  పాల్గొన్నారు