దోసకాయలపల్లి ఎంపీటీసీగా కర్రి నాగ దుర్గ వెంకటేశ్వరరావు విజయం

సుమారు 250 ఓట్ల మెజారిటీతో గెలుపు

కోరుకొండ మండలం (ఎన్ టుడే న్యూస్), నవంబర్ 8:

తూర్పుగోదావరి జిల్లా కోరుకొండ మండలం దోసకాయలపల్లి గ్రామంలో జరిగిన ఎంపీటీసీ ఎన్నికల్లో వైఎస్సార్ కాంగ్రెస్ పార్టీ అభ్యర్థి కర్రి నాగ దుర్గ వెంకటేశ్వరరావు విజయం సాధించారు. ప్రత్యర్థిపై సుమారు 250 ఓట్ల మెజారిటీతో గెలుపొందినట్లు సమాచారం.

ఓట్ల లెక్కింపు అనంతరం ఆయన విజయం ఖరారు కావడంతో వైఎస్సార్‌సీపీ నాయకులు, కార్యకర్తలు హర్షం వ్యక్తం చేశారు. ఈ సందర్భంగా పార్టీ శ్రేణులు నూతనంగా ఎన్నికైన అభ్యర్థికి అభినందనలు తెలిపారు. దోసకాయలపల్లి ఎంపీటీసీ ఎన్నికల ఫలితం స్థానికంగా రాజకీయ ప్రాధాన్యత సంతరించుకుంది.