వెల్లంకిలో కార్తీక మాస ఆకాశదీపం కార్యక్రమం

వెల్లంకిలో కార్తీక మాస ఆకాశదీపం కార్యక్రమం

నవంబర్ 10, 2026 నుంచి డిసెంబర్ 8 వరకు ప్రతిరోజూ సాయంత్రం 7 గంటలకు ఆకాశదీపం వెలిగింపు

రామన్నపేట నవంబర్ 9 :

వెల్లంకి గ్రామంలో కార్తీక మాసాన్ని పురస్కరించుకుని శ్రీ శంభు లింగేశ్వర స్వామి దేవాలయం ఆధ్వర్యంలో ప్రత్యేక ఆధ్యాత్మిక కార్యక్రమానికి ఏర్పాట్లు చేశారు. నవంబర్ 10, 2026 నుంచి డిసెంబర్ 8, 2026 వరకు ఆలయ ధ్వజస్తంభంపై ప్రతిరోజూ సాయంత్రం 7 గంటలకు ఆకాశదీపం వెలిగించనున్నారు.

కార్తీక మాసంలో ఆకాశదీపం వెలిగించడం హిందూ సంప్రదాయంలో ఎంతో విశిష్టమైనదిగా భావిస్తారు. ఈ పవిత్ర కార్యక్రమం ద్వారా గ్రామంలో ఆధ్యాత్మిక వాతావరణం నెలకొనడంతో పాటు భక్తులు దీపారాధనలో పాల్గొనే అవకాశం కలుగుతుంది.

కావున వెల్లంకి గ్రామ ప్రజలు, భక్తులు ప్రతిరోజూ సాయంత్రం 7 గంటలకు ఆలయానికి విచ్చేసి ఆకాశదీపం కార్యక్రమంలో పాల్గొని స్వామివారి ఆశీస్సులు పొందాలని ఆలయ నిర్వాహకులు కోరుతున్నారు.