లక్కిరెడ్డిపల్లి ప్రభుత్వాసుపత్రిలో జాతీయ డాక్టర్స్ డే వేడుకలు

అన్నమయ్య జిల్లా, లక్కిరెడ్డిపల్లి, జూలై 1: జాతీయ డాక్టర్స్ డే సందర్భంగా లక్కిరెడ్డిపల్లి ప్రభుత్వాసుపత్రిలో మంగళవారం వైద్యులు, సిబ్బంది కలిసి వేడుకలను ఘనంగా నిర్వహించారు. ఈ సందర్భంగా వైద్యులకు శుభాకాంక్షలు తెలియజేస్తూ, సమాజానికి వారు అందిస్తున్న అమూల్యమైన సేవలను కొనియాడారు.

ప్రజల ఆరోగ్య పరిరక్షణలో వైద్యుల పాత్ర ఎంతో కీలకమని పేర్కొన్న ఆసుపత్రి సిబ్బంది, వైద్యులు నిరంతరం ప్రజలకు అందిస్తున్న సేవలు అభినందనీయమని అన్నారు. అనంతరం వైద్యులు, ఆసుపత్రి సిబ్బంది పరస్పరం డాక్టర్స్ డే శుభాకాంక్షలు తెలుపుకొని, ప్రజలకు మరింత మెరుగైన వైద్య సేవలు అందించేందుకు కృషి చేస్తామని తెలిపారు.