మానవత్వాన్ని చాటుకున్న తిరువూరు సర్కిల్ ఇన్స్పెక్టర్ గిరిబాబు

మానవత్వాన్ని చాటుకున్న తిరువూరు సర్కిల్ ఇన్స్పెక్టర్ గిరిబాబు

ఎన్టీఆర్ జిల్లా తిరువూరు విధులకు వెళ్తున్న సమయంలో తిరువూరు సర్కిల్ ఇన్స్పెక్టర్ గిరిబాబు మానవత్వాన్ని చాటుకున్నారు. మార్గమధ్యలో మల్లెల గ్రామ సమీపంలో ద్విచక్ర వాహనదారుడికి మూర్ఛ రావడంతో వాహనం అదుపుతప్పి కిందపడిపోయి గాయపడిన ఘటనను గమనించారు.

వెంటనే స్పందించిన గిరిబాబు గాయపడిన వ్యక్తికి ప్రాథమిక సహాయం అందేలా చర్యలు చేపట్టి, ఆలస్యం చేయకుండా ఆటో ఏర్పాటు చేసి ప్రభుత్వ ఆసుపత్రికి తరలించారు.

సమయస్ఫూర్తితో స్పందించి గాయపడిన వ్యక్తికి సకాలంలో వైద్యసేవలు అందేలా చేసిన సర్కిల్ ఇన్స్పెక్టర్ గిరిబాబును స్థానికులు అభినందించారు. వారి మానవత్వం, సేవాభావం పలువురి ప్రశంసలను అందుకుంది.