కీసర పోలీస్‌స్టేషన్‌లో భారీ ప్రక్షాళన 11 మంది సిబ్బందికి బదిలీ

కీసర పోలీస్‌స్టేషన్‌లో శాఖాపరంగా భారీ మార్పులు చేపట్టిన ఉన్నతాధికారులు ఎస్‌ఐ నాగరాజుతో పాటు మరో 10 మంది కానిస్టేబుళ్లను సౌత్‌జోన్‌కు బదిలీ చేస్తూ రెండు రోజుల క్రితం ఉత్తర్వులు జారీ చేశారు.

నెల రోజుల క్రితం కీసర పోలీస్‌స్టేషన్‌లో సీఐ, ఎస్‌ఐలు ఏసీబీకి లంచం తీసుకుంటూ పట్టుబడగా.. నాలుగు రోజుల క్రితం ఎస్‌ఐ శ్రీనివాస్‌రెడ్డి కూడా పట్టుబడ్డారు.

ఒకే పోలీస్‌స్టేషన్‌లో వరుసగా అవినీతి ఆరోపణలు, ఏసీబీ కేసులు వెలుగులోకి రావడంతో ఈ బదిలీలు జరిగినట్లు తెలుస్తోంది.

 కీసర సెక్టార్‌కు వెంకట్‌రెడ్డి, నాగారం సెక్టార్‌కు గౌరేందర్‌గౌడ్, చీర్యాల్ సెక్టార్‌కు ప్రభాకర్‌లను కొత్త ఎస్‌ఐలుగా నియమించారు.