మందు మత్తులో తాగునీటి బావిలోకి దూకిన వ్యక్తి

NTODAY NEWS నల్లగొండ 

నల్లగొండ పట్టణంలోని కొండ చల్మా బావిలో ఓ మందుబాబు హల్‌చల్ చేసిన ఘటన స్థానికంగా చర్చనీయాంశంగా మారింది. మంగళవారం సాయంత్రం మద్యం మత్తులో ఉన్న ఓ వ్యక్తి నీళ్లు తాగేందుకు వెళ్లి ప్రమాదవశాత్తు బావిలో పడిపోయాడు. అనంతరం బావిలోనే ఈత కొడుతూ హల్‌చల్ చేశాడు. ఈ విషయాన్ని గమనించిన స్థానికులు వెంటనే స్పందించి తాడు సాయంతో అతడిని సురక్షితంగా బయటకు తీశారు. అనంతరం తాగునీటి బావిలోకి దిగి ఈత కొట్టడంపై స్థానికులు అతడిని మందలించారు. ప్రజలు తాగే నీటి వనరులను మద్యం మత్తులో అపవిత్రం చేయడం సరికాదని వారు ఆగ్రహం వ్యక్తం చేశారు. తాగునీటి వనరుల పరిరక్షణకు అధికారులు చర్యలు తీసుకోవాలని, ఇలాంటి ఘటనలు పునరావృతం కాకుండా కట్టడి చేయాలని స్థానికులు కోరుతున్నారు.