రాష్ట్రస్థాయి అథ్లెటిక్స్ పోటీలకు మర్లపాలెం విద్యార్థిని ఎంపిక

ఏలూరు జిల్లా నూజివీడు నియోజకవర్గం చాట్రాయి మండలం జిల్లా పరిషత్ ఉన్నత పాఠశాల మర్లపాలెం విద్యార్థిని యు. సృజన రాష్ట్రస్థాయి అథ్లెటిక్స్ పోటీలకు ఎంపికైంది. కృష్ణాజిల్లా గుడివాడ ఎన్టీఆర్ స్టేడియంలో అక్టోబర్ 3న నిర్వహించిన ఉమ్మడి కృష్ణాజిల్లా ఎస్‌జీఎఫ్‌ఐ అండర్-17 అథ్లెటిక్స్ పోటీల్లో సృజన ప్రతిభ కనబరిచింది.

లాంగ్ జంప్ విభాగంలో మొదటి స్థానం, 100 మీటర్ల పరుగు పందెంలో రెండో స్థానం సాధించి రాష్ట్రస్థాయి పోటీలకు అర్హత సాధించింది. విద్యార్థిని సృజన సాధించిన విజయంపై పాఠశాల ప్రధానోపాధ్యాయులు, ఉపాధ్యాయులు, వ్యాయామ ఉపాధ్యాయులు, ఎస్‌ఎంసీ సభ్యులు, గ్రామస్తులు అభినందనలు తెలిపారు. రాష్ట్రస్థాయి పోటీల్లోనూ ప్రతిభ కనబరిచి పాఠశాలకు, గ్రామానికి మంచి పేరు తీసుకురావాలని ఆకాంక్షించారు.