ముక్కా శ్రావణికి మంత్రి నారా లోకేష్ అభినందనలు

విశాఖపట్నం కార్పొరేషన్ ఎన్నికల్లో విజయం సాధించిన టీడీపీ మేయర్ అభ్యర్థితో భేటీ

విశాఖపట్నం: ఇటీవల జరిగిన విశాఖపట్నం కార్పొరేషన్ ఎన్నికల్లో కూటమి తరఫున టీడీపీ మేయర్ అభ్యర్థిగా పోటీ చేసి విజయం సాధించిన ముక్కా శ్రావణిని విద్య, ఐటీ శాఖల మంత్రి నారా లోకేష్ అభినందించారు. ఎన్నికల్లో సాధించిన విజయానికి శుభాకాంక్షలు తెలియజేశారు.

సీఐఐ భాగస్వామ్య సదస్సులో పాల్గొనేందుకు విశాఖపట్నం చేరుకున్న మంత్రి నారా లోకేష్‌ను బుధవారం సాయంత్రం ముక్కా శ్రావణి మర్యాదపూర్వకంగా కలిశారు. ఈ సందర్భంగా ఎన్నికల్లో ఆమె సాధించిన విజయంపై మంత్రి అభినందనలు తెలిపారు. విశాఖపట్నం టీడీపీకి కంచుకోట అనే విషయాన్ని మరోసారి నిరూపించారని పేర్కొన్నారు.

అనంతరం మంత్రి నారా లోకేష్ మాట్లాడుతూ.. త్వరలో జరగనున్న 23 మున్సిపాలిటీలు, కార్పొరేషన్ల ఎన్నికల్లో కూటమి అభ్యర్థుల విజయానికి కృషి చేసేలా ఇటీవల ఎన్నికల్లో విజయం సాధించిన ప్రజాప్రతినిధులకు బాధ్యతలు అప్పగిస్తామని తెలిపారు. పార్టీ బలోపేతానికి, రాబోయే ఎన్నికల్లో అభ్యర్థుల విజయానికి సమన్వయంతో పనిచేయాలని సూచించినట్లు సమాచారం.

ఈ భేటీలో ఎన్నికల విజయానికి సంబంధించిన అంశాలతో పాటు రాబోయే మున్సిపల్, కార్పొరేషన్ ఎన్నికల్లో అనుసరించాల్సిన కార్యాచరణపై చర్చించినట్లు పేర్కొన్నారు.