పాకల బీచ్ ప్రమాద మృతులకు ఎమ్మెల్యే ఉగ్ర నివాళులు

బాధిత కుటుంబాలకు అండగా ఉంటామని భరోసా

కనిగిరి: పాకల బీచ్‌లో జరిగిన ప్రమాదంలో మృతి చెందిన వారి మృతదేహాలను ఆదివారం కనిగిరి సమీపంలోని శ్రీరంగాపురం గ్రామానికి తీసుకువచ్చారు. ఈ విషయం తెలుసుకున్న కనిగిరి ఎమ్మెల్యే ముక్కు ఉగ్ర నరసింహారెడ్డి గ్రామానికి చేరుకుని మృతదేహాలను సందర్శించారు. మృతులకు పూలమాలలు వేసి నివాళులర్పించారు.

అనంతరం మృతుల కుటుంబ సభ్యులను పరామర్శించి, ప్రమాదానికి సంబంధించిన వివరాలను అడిగి తెలుసుకున్నారు. ఈ విషాద సమయంలో బాధిత కుటుంబాలకు అండగా ఉంటామని, వారికి అన్ని విధాలా సహాయ సహకారాలు అందిస్తామని ఎమ్మెల్యే భరోసా ఇచ్చారు.