నీట్ పీజీ ఫలితాల్లో మునగపాక విద్యార్థిని ప్రతిభ

నీట్ పీజీ ఫలితాల్లో మునగపాక హరిణికి ఆల్ ఇండియా 5వేల ర్యాంక్

మునగపాక: నీట్ పీజీ 2026 పరీక్ష ఫలితాల్లో మునగపాకకు చెందిన కొమ్మూరి హరిణి ఆల్ ఇండియా స్థాయిలో 5,000వ ర్యాంక్ సాధించింది. ఆగస్టు 30న నిర్వహించిన నీట్ పీజీ పరీక్షలో హరిణి ఈ ప్రతిభ కనబరిచింది.

మునగపాకకు చెందిన కొమ్మూరి శ్రీనివాసరావు, ప్రవళిక దంపతుల కుమార్తె హరిణి. భువనేశ్వర్‌లోని ఎయిమ్స్‌లో ఎంబీబీఎస్ చదివిన ఆమె.. నీట్ పీజీలో ఆల్ ఇండియా స్థాయిలో 5,000వ ర్యాంక్ సాధించింది.

తల్లిదండ్రుల ప్రోత్సాహంతో పాటు మెడికల్ విద్యలో తనకు మార్గనిర్దేశం చేసిన ప్రొఫెసర్ల సహకారం ఈ ర్యాంక్ సాధించేందుకు ఎంతో ఉపయోగపడిందని హరిణి తెలిపారు.

హరిణి సాధించిన ర్యాంక్ పట్ల తల్లిదండ్రులు, కుటుంబ సభ్యులతో పాటు మునగపాక గ్రామస్తులు హర్షం వ్యక్తం చేశారు. ఆమెను అభినందించారు.