నాగుపాము ఎదురైతే భయపడకండి.. ఇలా చేయండి!

వర్షాకాలంలో పాములు జనావాసాల్లోకి వస్తుంటాయి. అయితే నాగుపాము ఎదురైతే హడావిడిగా కదలకుండా స్థిరంగా ఉంటే అది మిమ్మల్ని ఏమీ అనదు. అలాగే దాని కళ్లలోకి చూడకుండా సురక్షిత దూరం పాటించి నెమ్మదిగా వెనక్కి జరగండి. పాము పారిపోవడానికి తగిన మార్గాన్ని వదిలేయాలి. అయితే ఏదైనా సమయంలో పాము కాటు వేస్తే ఆందోళన చెందకూడదు. అది కరిచిన భాగాన్ని కదలకుండా.. గుండె మట్టం కంటే కిందికే ఉండేలా చూడాలి. చేతికి ఉన్న గాజులు, ఉంగరాలు, బిగుతుగా ఉన్న దుస్తులను వెంటనే తొలగించాలి. వెంటనే ప్రభుత్వ ఆసుపత్రికి తరలించి యాంటీవీనమ్ ఇప్పించాలి.