అయోధ్యలో నేటి నుంచే కొత్త సీఈవో బాధ్యతలు

అయోధ్య: అయోధ్య శ్రీరామ జన్మభూమి తీర్థ క్షేత్ర ట్రస్ట్ నూతన సీఈవోగా నియమితులైన రిటైర్డ్ ఎయిర్ మార్షల్ జితేంద్ర మిశ్రా సోమవారం నుంచి బాధ్యతలు స్వీకరించనున్నారు. ఆలయ పరిపాలనలో పారదర్శకత, భద్రత, భక్తులకు మెరుగైన సౌకర్యాలు కల్పించే దిశగా ఆయనకు కీలక బాధ్యతలు అప్పగించారు. ఆలయ ప్రాంగణంలోనే ఉంటూ దైనందిన పరిపాలనా వ్యవహారాలను పర్యవేక్షించనున్నారు. భక్తుల రద్దీ నియంత్రణ, భద్రతా ఏర్పాట్లు, పరిపాలనా విధానాల సమీక్షతో పాటు విరాళాల నిర్వహణలో పారదర్శకతకు సంబంధించిన అంశాలపై దృష్టి సారించనున్నారు. అవకతవకలకు అవకాశం లేకుండా వ్యవస్థను మరింత పటిష్టం చేసేందుకు అవసరమైన సంస్కరణలను చేపట్టే అవకాశం ఉంది.