ఆక్స్‌ఫర్డ్ స్కూల్‌లో నిషిత పుట్టినరోజు వేడుకలు

కనిగిరి, సెప్టెంబర్ 25: కనిగిరి నియోజకవర్గ వైఎస్సార్ కాంగ్రెస్ పార్టీ ఇన్‌చార్జ్ డాక్టర్ దద్దాల నారాయణ యాదవ్ చిన్న కుమార్తె దద్దాల నిషిత పుట్టినరోజు సందర్భంగా ఆమె చదువుకుంటున్న ఆక్స్‌ఫర్డ్ స్కూల్‌లో ప్రత్యేక కార్యక్రమం నిర్వహించారు.

ఈ సందర్భంగా నిషిత ఉపాధ్యాయులు, తోటి విద్యార్థులకు చాక్లెట్లు పంపిణీ చేశారు. అలాగే పాఠశాలలో పనిచేస్తున్న నాన్-టీచింగ్ సిబ్బందికి బట్టలను కానుకగా అందజేశారు.

పుట్టినరోజును తోటి విద్యార్థులు, ఉపాధ్యాయులు, పాఠశాల సిబ్బందితో కలిసి జరుపుకోవడంతో పాఠశాలలో సందడి వాతావరణం నెలకొంది.