ఏపీలో మిగిలిన 23 పట్టణ స్థానిక సంస్థల ఎన్నికలకు త్వరలో నోటిఫికేషన్?

ఈ నెల 11 లేదా 12న ప్రకటన వెలువడే అవకాశం.. 24 లేదా 25న పోలింగ్ జరిగే ఛాన్స్

అమరావతి (ఎన్ టుడే న్యూస్):

ఆంధ్రప్రదేశ్‌లో 100 కార్పొరేషన్లు, మున్సిపాలిటీలకు ఎన్నికల ప్రక్రియ పూర్తయింది. మిగిలిన 23 పట్టణ స్థానిక సంస్థల ఎన్నికల నిర్వహణకు రాష్ట్ర ఎన్నికల సంఘం (ఎస్‌ఈసీ) కసరత్తు చేస్తున్నట్లు సమాచారం. ఈ నెల 11 లేదా 12వ తేదీన ఎన్నికల నోటిఫికేషన్ విడుదల చేసే అవకాశం ఉన్నట్లు తెలుస్తోంది. ఈ నెల 24 లేదా 25వ తేదీన పోలింగ్ నిర్వహించే అవకాశముందని సమాచారం.

మరోవైపు, ఈ నెల 13వ తేదీన పంచాయతీ ఎన్నికల నోటిఫికేషన్ విడుదల కానుంది. తొలి విడత పోలింగ్‌ను ఈ నెల 26వ తేదీన నిర్వహించేందుకు ప్రణాళిక సిద్ధం చేస్తున్నట్లు తెలుస్తోంది.

డిసెంబర్ 2 లేదా 3వ తేదీ నాటికి పట్టణ, గ్రామీణ స్థానిక సంస్థల ఎన్నికల ప్రక్రియను పూర్తిచేయాలని రాష్ట్ర ఎన్నికల సంఘం లక్ష్యంగా పెట్టుకున్నట్లు సమాచారం. అయితే ఎన్నికల తేదీలు, నోటిఫికేషన్ వివరాలపై అధికారిక ప్రకటన వెలువడాల్సి ఉంది.