మార్కాపురం జిల్లా నూతన ఎస్పీగా పంకజ్ కుమార్ మీనా
ఆంధ్రప్రదేశ్
/
మార్కాపురం
Thallapalli Lakshmana
కనిగిరి నియోజకవర్గ ప్రతినిధి
మార్కాపురం జిల్లా నూతన ఎస్పీగా పంకజ్ కుమార్ మీనా బాధ్యతలు స్వీకరణ
మార్కాపురం, సెప్టెంబర్ 24: మార్కాపురం జిల్లా నూతన ఎస్పీగా పంకజ్ కుమార్ మీనా ఐపీఎస్ గురువారం బాధ్యతలు స్వీకరించారు. జిల్లా పోలీసు అధికారుల సమక్షంలో ఆయన బాధ్యతలు చేపట్టారు.
బాధ్యతలు స్వీకరించిన అనంతరం జిల్లా పోలీసు అధికారులు, సిబ్బంది ఎస్పీని మర్యాదపూర్వకంగా కలిసి శుభాకాంక్షలు తెలిపారు. ఈ సందర్భంగా జిల్లా పోలీసు విభాగానికి సంబంధించిన అంశాలపై అధికారులు ఎస్పీకి వివరాలు అందించినట్లు తెలిపారు.
జిల్లాలో శాంతిభద్రతల పరిరక్షణ, ప్రజలకు మెరుగైన పోలీసు సేవలు అందించడం, నేరాల నియంత్రణ వంటి అంశాలపై నూతన ఎస్పీ దృష్టి సారించనున్నట్లు పోలీసు వర్గాలు తెలిపాయి.
