పోలీస్ ఉద్యోగ అభ్యర్థులకు మరోసారి వయోపరిమితి సడలింపు
తెలంగాణ
/
హైదరాబాద్
పోలీస్ ఉద్యోగ అభ్యర్థులకు మరోసారి వయోపరిమితి సడలింపు
హైదరాబాద్: పోలీస్ ఉద్యోగాల కోసం ఎదురుచూస్తున్న అభ్యర్థులకు తెలంగాణ ప్రభుత్వం మరోసారి శుభవార్త అందించింది. పోలీస్ ఉద్యోగాల అభ్యర్థుల వయోపరిమితిని సడలిస్తూ ప్రభుత్వం మరోసారి జీవో జారీ చేసింది. కొత్త ఉత్తర్వుల ప్రకారం పోలీస్ కానిస్టేబుల్ పోస్టులకు గరిష్ఠ వయోపరిమితిని 34 ఏళ్లకు, సబ్ ఇన్స్పెక్టర్ (ఎస్సై) పోస్టులకు గరిష్ఠ వయోపరిమితిని 37 ఏళ్లకు పెంచింది. దీంతో వయోపరిమితి కారణంగా ఉద్యోగాలకు దూరమైన పలువురు అభ్యర్థులకు అవకాశం లభించనుంది. ప్రభుత్వ తాజా నిర్ణయంతో పోలీస్ ఉద్యోగాల కోసం సిద్ధమవుతున్న అభ్యర్థుల్లో ఆశలు చిగురించాయి. నియామక ప్రక్రియకు సంబంధించిన తదుపరి నోటిఫికేషన్లో ఈ వయోపరిమితి సడలింపు అమలుకానుంది.
