పవన్ కళ్యాణ్‌పై సీఎం చంద్రబాబు ప్రశంసలు

అమరావతి: డిప్యూటీ సీఎం పవన్ కళ్యాణ్ చేపట్టిన గ్రామీణ అభివృద్ధి కార్యక్రమాలను ముఖ్యమంత్రి చంద్రబాబు ప్రశంసించారు. 2024 ఆగస్టు 23న రాష్ట్రవ్యాప్తంగా 13,226 గ్రామాల్లో ఒకేసారి గ్రామసభలు నిర్వహించడం ద్వారా గిన్నిస్ రికార్డు నెలకొల్పారని పేర్కొన్నారు.

పవన్ కళ్యాణ్ ఆధ్వర్యంలో రాష్ట్రంలో 7 వేల కిలోమీటర్ల మేర సీసీ రోడ్లు నిర్మించడంతో పాటు 40 వేల గోకులాలు, 15,500 నీటితొట్టెల నిర్మాణం చేపట్టినట్లు తెలిపారు. ముఖ్యంగా కొండ ప్రాంతాలు, గిరిజన ప్రాంతాల్లో రహదారుల నిర్మాణానికి ప్రాధాన్యం ఇచ్చి అభివృద్ధికి కొత్త దిశ చూపారని కొనియాడారు.

గ్రామీణ మౌలిక సదుపాయాల కల్పనలో పవన్ కళ్యాణ్ కృషి ప్రశంసనీయమని, ప్రజలకు మెరుగైన వసతులు అందించేందుకు ఆయన చేపడుతున్న కార్యక్రమాలు ఆదర్శంగా నిలుస్తున్నాయని చంద్రబాబు అన్నారు.